Ancient Settlers taldeak Scarlet Records diskoetxearekin sinatu du
Donostiako Ancient Settlers melodeath boskoteak Scarlet Records diskoetxe italiarrarekin argitaratuko du bigarren diskoa. Fredrik Nordström (At The Gates, In Flames, Opeth...) ezagunak nahastu eta masterizatu du Suediako Fredman Studios-etan. Lan berriaren azala, abesti zerrenda eta kaleratze data aurrerago iragarriko dituzte.
Urtarrilaren 18an Tales From The Earth (Through Your Neck Records) lan labur akustikoa argitaratu zuten, eta plataforma digitaletan entzun dezakezue. Baita ere, taldearen Bandcamp atarian.
2020an Donostian (Gipuzkoa) sortua, Ancient Settlers bost musikarik osatutako death metal melodiko modernoko banda dibergentea da. Giza bizitzari eragin dioten azken tragedietan inspiratzen dira, eta death metal melodiko modernoaren mugak aztertzea dute helburu, gitarra-riff itsaskorrak, melodiak, sintetizadoreak, teklatuak eta hainbat soinu eta erritmo gehituz, beren nortasun musikala garatzeko.
Lirikoki, taldeak tragedia berri hauek Lurrean eta giza arrazan duten inpaktuan sakontzen du, entzuteko prest daudenei bere mezua zabalduz. Ibilbide laburrean, Ancient Settlersek musika ekoizle ospetsuekin lan egin du; hala nola Grammy Fredrik Nordström (In Flames, Opeth, Architects...), Daniel Cardoso (Angelus Apatrida, Noctem...) eta Pedro J. Monge (Vhaldemar...). Artelan zirraragarrien garrantzia aitortuz, taldeak Gustavo Sazes (Angra, Kamelot, Arch Enemy...) eta Jon Toussas (Nightrage, Mors Principium Est...) bezalako diseinatzaile eta ilustratzaileekin lan egin du.
2021ean, Ancient Settlersek hainbat urteko kontratua sinatu zuen Crusader Records metal zigilu australiarrarekin. Hiru EP kaleratu dituzte, Diamond Eyes (2021), Transition (2023) eta Tales From The Earth (2024), baita LP bat ere, Our Last Eclipse – The Settlers Saga Pt. (2022). Aldiz, iraupen luzeko bigarren diskoa Scarlet Records diskoetxearekin plazaratuko dute.
Zuzeneko emanaldiei dagokienez, Ancient Settlers hiru bira europarretan murgildu da: Autumnus Europe Tour (Frantzia, Espainia, Portugal), Our Last Eclipse Europe Tour (Espainia, Portugal, Frantzia, Herbehereak, Suitza, Belgika) eta Transition Europe Tour (Espainia, Frantzia, Italia, Herbehereak, Belgika, Alemania, Txekiar Errepublika). Besteak beste, Infected Rain, Defacing God, Amberian Dawn, Sirenia, 5 Rand, Lutharo eta Elegant Weapons taldeekin batera aritu dira Europa osoko hainbat areto eta jaialditan.
Bost musikarik osatzen dute banda: Argen Death (ahotsa) Carlos Chiesa-Estomba (gitarra eta ahotsak) Agustín Martinez (gitarra) Miguel Herrera (baxua) Herman Riera (bateria).
