Broken Legacy bandak "Askatasun Eza" bideoklipa aurkeztu du

Oñatiko Broken Legacy metalcore taldea Ortzimuga bigarren diskoa zuzenean aurkezten ari da. Horrekin batera, Askatasun Eza abestiaren bideoklipa plazaratu dute. Kantuan Paul Casal Drop! bandako abeslariak kolaboratu du.

Deserto Productions-eko Omar arduratu da zuzendaritzaz eta edizio lanaz. Bideoa, berriz, Bergarako gaztetxean eta Oñatiko Eltzian grabatu dute. Jarraian ikus dezakezue:

Martxoa bukaeran argitaratu zuten Ortzimuga diskoa. Pedro J. Monge (Vhäldemar) musikari zein teknikariarekin grabatu zuten Asuako Chromaticity Studios-etan.

Lanaren harira, Herriko Burdinak egindako iruzkina eta elkarrizketa irakurri ditzakezue.