Chernobyl bandak estreinako diskoaren aurrerapena leherrarazi du

Iruñeko Chernobyl thrash metal taldea lehendabiziko diskoaren xehetasunak aurkezten hasi da. Last man on earth da aurreneko singlea, eta Underground Visuals-ek egindako hitzen bideo batekin estreinatu dute.

Iraupen luzeko lehen lana Alberto Porresekin grabatu zuten Estudios K-n, eta laster iragarriko dituzte detaile gehiago.

Ekainaren 13an Thrash Solstice Fest jaialdi entzutetsuan parte hartuko dute Angelus Apatrida, Ktulu eta Electrikeel taldeekin batera.

Lau musikarik osatzen dute Chernobyl: Edain Santafe (ahotsa eta gitarra), Iosu Nuñez (gitarra), Dani Moreno (baxua eta ahotsak) eta Sergio Arana (bateria).