2025/11/28

Etorkizun Beltza taldeak 'Garrasi hutsak' disko berria zaleen eskura jarri du

Bizkaiko Etorkizun Beltza heavy metal bandak Garrasi hutsak hirugarren diskoa argitaratu du. Plataforma digitaletan era soltean aurkezten ari diren abesti berrien bilduma da.

Momentuz, soilik boskotearen kontzertuetan eskuratu daiteke. "Horrela izatea erabaki dugu, gure emanaldietara etortzen direnak saritzeko", adierazi dute bizkaitarrek.

Lan berria Asuako Chromaticity Studios-etan grabatu dute. Azala eta abesti zerrenda, berriz, jarraian ikus ditzakezue:

01. Diruaren erreinuan
02. Makinak ikasten
03. Iraganaren erruz
04. Informazio faltsua
05. Madarikatua
06. Sistemari kateatuta
07. Hirugarren Mundu Gerra

Zazpi kanta horietatik, dagoeneko lau entzungai daude taldearen Bandcamp atarian eta plataforma digitaletan. Hori bai, denak ez dira beraienak, abestietako bat Euskal Herriko heavy metal banda aitzindarietako baten ereserkiaren euskarazko moldaketa da. 

Hauek dira aurreratu dituzten kantak:

Etorkizun Beltza - Sistemari kateatuta

Etorkizun Beltza - Informazio faltsua

Etorkizun Beltza - Diruaren erreinuan

Etorkizun Beltza - Makinak ikasten

Etorkizun Beltza bost musikari hauek osatzen dute: Imanol Orozko (ahotsa), Julen Unamuno (gitarra), Mikel Unamuno (gitarra), Jon Lamborena (baxua) eta Oskar Fernandez (bateria).

Hurrengo kontzertuak