Evil Seeds bandak "Stronger" singlea aurkeztu du

Bilboko Evil Seeds heavy metal taldeak laster argitaratuko du disko berria Thundersteel Records zigiluarekin. Aurrerapen gisa, Stronger single indartsua plazaratu dute, eta Pedro J. Monge (Vhäldemar) gitarra jotzailearen parte hartzeak borobiltzen du.

Estudioko bigarren diskoa Bizkaiko Chromaticity Studios-etan grabatu, nahastu eta masterizatu dute, Pedro J. Mongeren gidaritzapean. Bost musikarik osatzen dute banda: Roma (ahotsa), Tello (baxua), Rodrigo (gitarra), Josu (gitarra) eta Unai (bateria).