
Iruñeko Koma taldea Enemigos del silencio zuzeneko disko bikoitzaren abestiak pixkanaka aurkezten ari da. Abenduaren 11n argitaratzean, apirilaren 18an Madrilgo La Riviera aretoan eskainitako kontzertua osorik entzun eta ikusiko ahal izango da.
Aukeratu duten hirugarren aurrerapena, haien errepertorioko usaintsuena da, estreinako diskoan jaso zutena: Aquí huele como que han fumao.
Guztira, 27 abesti ditu zuzeneko bikoitzak. Una ligera mejoría antes de la muerte estudioko azken lanaren zuzeneko biran eskainitako Madrilgo emanaldia Jacobo Nayak eta Jose Maria Rosillok grabatu zuten. Aldiz, Brigi Duke taldekideak nahastu eta masterizatu du bere estudioan.
Azaleko diseinuaz, berriz, Fernando Turrillas (Underground Visuals) arduratu da, eta jarraian ikus dezakezue kanta zerrendarekin batera:

CD 1
01. Intro
02. Dinamítalos
03. El catador de vinagre
04. Protestantes
05. El viaje
06. La máquina del tiempo
07. Tío Sam
08. Vaya carrera que llevas chaval
09. Sé dónde vives
10. El pato
11. A ostia limpia
12. Palabras mágicas
13. Por los siglos de los siglos
CD 2
14. Me vacío
15. El muro de Berlín
16. El pobre
17. Imagínatelos cagando
18. La almohada cervical
19. El Marqués de Txorrapelada
20. El sonajero
21. Sakeo
22. Aquí huele como qué han fumao
23. Jack Queen Jack
24. Bienvenidos a Degüelto
25. Intro Mi jefe
26. Mi jefe
27. Txaranga
Zuzeneko lanaren beste bi abesti entzungai eta ikusgai jarri dituzte:
Koma - Protestantes
Koma - Tio Sam
Digipack formatuan argitaratuko dute, bi CD eta DVD batekin. Dagoeneko eskura daiteke beraien denda ofizialean.
Gogoratu behar da nafarren zuzeneko bigarren lana dela. Lehena, berriz, 2001ean plazaratu zuten Molestando a los vecinos izenburupean. Kontzertu hura Bilboko Kafe Antzokian grabatu zuten.
Enemigos del silencio zuzeneko disko berria dela eta, 2027rako beste kontzertu bira bat iragarri dute. Otsailetik aurrera hasiko dira emanaldiekin, eta, momentuz, hiru dira Euskal Herrian eskainiko dituztenak: