Mosh bandak etena iragarri du

Azkoiengo Mosh metal taldeak agur esatea erabaki du. Etenaldia iragartzeko oharra plazaratu dute sare sozialetan:

"Horrelako proiektu bat martxan jartzea oso zaila da. Bost musikari gara. Bakoitzak egoera pertsonal eta erantzukizun desberdinak ditu. 2014an hasi ginenetik, familia/lagunak/lana eta abar bateratzeko borrokatu gara, banda honetan proiektatu nahi genuen mailan egoteak eskatzen duenarekin. Gogorra izan da, baina egunez egun eta (batzuetan) erokeriak eginez borrokatuz oztopoak gainditu ditugu. Beldur hau maite dugulako. Gure pasioa delako. Pixkanaka-pixkanaka, horrek guztiak eragina du.

Eta beste plan batzuk bagenituen ere (2024a taldearen X. urteurrena izango zen eta disko berria eta beste gauza asko planifikatuta genituen), ezin izango da horrelakorik gertatu, gutako batek ezin duelako taldearen konpromisoekin uztartze hori mantendu, eta, beraz, gure historiako erabakirik gogorrena eta zailena hartu dugu: Gelditzea. Noiz arte? Guk geuk ere ez dakigu. Ez da agurreko kontzerturik egongo... Etorri ginen bezala goaz. Apaltasunez. Gure lekua zein den jakinda eta ezer behartu nahi izan gabe".

2014an elkartu ondoren, lau lan argitaratu dituzte: Con el agua al cuello (EP, Maldito Records, 2014), Impune (CD, Maldito Records, 2015), El filo (CD, Maldito Records, 2017) eta Vértigo (CD, Maldito Records, 2021). Horietan guztietan, metala eta hardcorea nahastu dituzte.

Hauxe duzue azken laneko abesti esanguratsuenetako bat: