Nuclear Revenge taldeak "Dawn of the Primitive Age" diskoaren xehetasunak eman ditu

Gasteizko Nuclear Revenge thrash/black metal bandak apirilean plazaratuko du Dawn of the Primitive Age bigarren diskoa. Txinako Awakening Records diskoetxeak CD formatuan kaleratuko du, eta kasetean argitaratuko dute Headsplit Records (AEBetan) eta Chainsaw Distro (Europa) zigiluek.

Moontower Studios-etan grabatu, nahastu eta masterizatu dute Javi Felezen aginduetara. Azala, berriz, Subhuman Illustrations-ek egin du eta jarraian duzue ikusgai abesti zerrendarekin batera.

01. Agonic Tormentor
02. Summon the Nameless Ones
03. March of the Undead
04. Proclaimed Among the Wicked
05. Dust
06. Dawn of the Primitive Age
07. Descending wings of Perversion
08. Eyes of Revelations
09. Everlasting Void
10. ...From the Crypt

Awakening Records zigiluaren arabera, laukore arabarrak 80eko hamarkadako thrash alemaniarra eta black/thrash metal australiarra nahasten ditu. Kreator, Sodom, Destroyer 666, Slayer eta Possessed taldeen eraginak dituztela gaineratu dute.