Viewer bandaren estreinakoa ziztu batean entzutekoa da

Bizkaiko Viewer hardcore/metal taldeak Nyctophilia estreinako diskoa plazaratu du. 16 minutuko luzera du, eta zazpi abesti. Kolpetik eta ziztu batean entzuten den horietakoa da. Plataforma digitaletan topatuko duzue.

Gaur bertan aurkeztuko dute zuzenean, Bilboko Santana 27 Blue aretoan. Withredd eta When Evil Comes taldeekin batera ariko dira.

Lana Vic Ortegak ekoiztu, nahastu eta masterizatu du. Azala, berriz, Ager taldekideak egin du:

01. What we can’t see with our eyes
02. Let it take everything from you
03. Min
04. A perfect war
05. Collapse in slow motion
06. Realization: Punish myself, hope to find the truth
07. Me, myself and the darkness

Kantetako bi jarraian entzun ditzakezue:

Viewer - A perfect war

Viewer - What we can’t see with our eyes

Uckaia eta Holy Txala taldeetan ibilitako hainbat kideren abentura berria da Viewer. Musikari hauek osatzen dute: Mikel Alberdi (ahotsa), Ager Barragan (bateria), Edu Fernandez (gitarra) eta Aitor Ipiña (baxua).