Delion taldeak hegaldia berrabiarazi du 'Fly Free' singlearekin

Gasteizko Delion heavy/power metal bandak Fly Free abesti berria plazaratu du. Atsedenaldi baten ondorengo lehen emaitza da, eta Alain Concepcion abeslariarekin grabaturiko lehena.

Asuako Chromaticity eta Gasteizko Skysound estudioen bitartez ekoiztu dute kanta. Bideoklip zaindu batekin estreinatu dute.

Gaur egun, bost musikari hauek osatzen dute taldea: Alberto Urrutia (bateria), Juan Amarilla (baxua), Jagoba Perez (gitarra), Sef-Eldin Hamami (gitarra) eta Alain Concepcion (abeslaria).