Feelingless luxuzko bi musikarirekin elkartu da

Bizkaiko Feelingless bandak nazioarteko beste kolaborazio batekin aurkeztu du Two worlds colliding abesti berria. Oraingoan, Hugo Markaida (Rise To Fall) musikariak indarrak batu ditu I Legion taldeko Frederic Riverin gitarra jotzailearekin eta Björd Strid Speed (Soilwork) abeslari ezagunarekin.

Markaidak azaldu duenez, abestiak bi munduren arteko talka aztertzen du, elkartzean oinarri komun bat aurkitzen dutelako. Piezaren kontzeptua eta sortzaileen arteko lankidetza islatzea du helburu. Musikalki, berriz, melodeath esentzia berreskuratu du.

Beste behin ere, Asuako Chromaticity Studios-etan grabatu du Pedro J. Mongerekin, eta hark ere gitarra solo bat gehitu dio kantari. Bideoa, berriz, Ugaitz Aguilarrek (Zuldar) egin du.

Iazko apirilean beste single bat plazaratu zuen Feelingless taldeak: Dare to Survive. Abesti horretan Suitzako Dreamshade taldeko Kevin Cali eta Fernando Di Cicco musikariek kolaboratu zuten. 

Gogoratu behar da 2022an Metal Against Animal Cruelty (Noble Demon) estreinako diskoa argitaratu zuela Markaidak bere bakarkako proiektuarekin. 

Izen handiko hogei abeslari eta musikari bikainek parte hartzea du: Björn Speed Strid (Soilwork), Jon Howard (Threat Signal), Christian Älvestam (Solution .45, Miseration), Daniel Heiman (Harmony, Lost Horizon ohia), Ettore Rigotti & Claudio Ravinale (Disarmonia Mundi), Mikael Sehlin (Degradead, Engel) Rachel Aspe (Cage Fight), Jake E (Cyhra, Amaranthe ohia) Ville Viljanen (Mors Principium Est), Marios Iliopoulos (Nightrage), Dann Hoyos (Rise To Fall, The Space Octopus) eta Dalay Tarda (Rise To Fall).

Jarraian osorik entzun dezakezue: