Hilotz hiruko moduan itzuliko da, azkenean

Gipuzkoako Hilotz thrash metal bandak gorabehera ugari gainditu behar izan ditu aurrera egiteko. Azkenean, hiruko gisa itzuliko dira zuzenekoetara. Hauek dira musikariak: Mikel Yarza (ahotsa eta baxua), Alex Etxebeste (gitarra) eta Urko Destribats (bateria).

Datozen hilabeteotan, lau kontzertu hauek eskainiko dituzte:

• Abuztuak 19. Mari Metal Jaia (Bilboko Aste Nagusia, Uribarri konpartsa).
• Irailak 19. Buru Beltz Fest jaialdia (Suhuskune).
• Urriak 24. Metal'O'Ween jaialdia (Gaztelu aretoa, Hendaia).
• Azaroak 1. Metal Fabrika (Astra, Gernika-Lumo).

Martxoa bukaeran laukote gisa bueltatu ondoren, agur baten berri eman zuten apirilaren erdialdean. Hain zuzen ere, Pablo Cabases gitarristak taldea uztea erabaki zuen.

Aske bigarren diskoa 2020ko irailean plazaratu zuten, eta jarraian entzun dezakezue: