Horion taldeak 'Doom' estreinakoa kaleratuko du

Baionako Horion black metal bandak Doom lehen lan laburra plazaratuko du martxoaren 26an, Herbehereetako Void Wanderer Productions zigiluarekin. Lau abesti izango ditu.

Grabazioa hainbat soinu teknikarirekin egin dute. Bateriak Iñaki Plarekin (Ztah, Titan) grabatu dituzte, Jej Tattva arduratu nahasketaz eta Eric Dorléansek (Notos Productions) masterizatu du.

Azala, berriz, Bruyneel Bram artistak egin du:

01. Monarque
02. Stronghold
03. Cages de Chair
04. Doom

Aurrerapen gisa, Stronghold kanta entzungai jarri dute:

Bost musikariz osaturiko ezohiko taldea da Horion: Jej (ahotsa eta gitarra), Guillaume (gitarra), Eric (baxua), Priam (biolontxeloa) eta Tony (bateria).