Kimule taldeak 'Traganarruk' abestia askatu du

Suhuskuneko Kimule death/groove metal bandak Oldar bizian lan berriaren lehen singlea estreinatu du: Traganarruk. Alkimia Films-ek egindako bideoklip esanguratsu batekin aurkeztu dute.

Bost abesti izango ditu lanak, eta otsailaren 7an kaleratuko dute. Egun horretan eskuratu ahal izango da Miarritzeko Atabalen eskainiko duten kontzertuan, Soziedad Alkoholikarekin batera. Plataforma digitaletan, berriz, otsailaren 13tik aurrera entzun ahalko da.

Grabazioa Eric Dorléansekin (Notos Productions) egin dute, Camille Chopin argazkilariaren irudi bat hartu dut azala osatzeko, eta segidan ikus dezakezue:

Boskotea berritu osteko argitalpena izango da. Izan ere, Niko eta Pettan abeslariak taldea utzi zuten, eta ahotsaren ardura Beñat Lascanok (Hurmurao ohia) hartu zuen. Gainerako kideak dira Camille Milhac (gitarra), Eñaut Costera (gitarra), Igor Elgoyhen (baxua) eta Remy Milhac (bateria).