Orion Child bandak izarretara iristea du helburu

Durangoko Orion Child power metal taldeak Aesthesis lan berriaren hirugarren singlea aurkeztu du: Reaching For The Stars. Beraien ibilbideko laugarren diskoa maiatzaren 17an kaleratuko dute Art Gates Records zigiluaren bidez.

Miquel Quesadarekin elkarlanean egindako bideoklipa ikusgai jarri dute.

Lan berria Cursed Onion Studios-etan eta Chromaticity Studios-etan grabatu dute, eta Pedro J. Monge arduratu da ekoizpenaz, nahasketaz eta masterizazioaz. Azala, berriz, Victor Villamarin artistak egin du taldearen gidaritzapean.

01. Revel{AI}tions
02. Skhuldom
03. Aesthesis
04. When the Tide Arises
05. My Redemption
06. Reaching for the Stars
07. Numbers are Law (feat. Ronnie Romero)
08. Forever (feat. Pedro J. Monge)
09. Runaway
10. Prisoners of the Past

Estudioko laugarren lanaren harira, bizkaitarrek diote "itxaropentsuagoa" dela: "Uste dugu disko honekin soinu oldarkorragoa eta sendoagoa lortu dugula, baina askoz melodikoagoa aldi berean".

Beste bi aurrerapenak jarraian topatuko dituzue:

Orion Child - Aesthesis

Orion Child - When the Tide Arises